Flavius Josephus, Jewish War (XML Header) [genre: prose] [word count] [lemma count] [Joseph. BJ]. | ||
<<Joseph. BJ 6.289 | Joseph. BJ 6.296 (English) | >>Joseph. BJ 6.302 |
6.293ἡ δʼ ἀνατολικὴ πύλη τοῦ ἐνδοτέρω ναοῦ χαλκῆ μὲν οὖσα καὶ στιβαρωτάτη , κλειομένη δὲ περὶ δείλην μόλις ὑπʼ ἀνθρώπων εἴκοσι , καὶ μοχλοῖς μὲν ἐπερειδομένη σιδηροδέτοις , κατάπηγας δὲ ἔχουσα βαθυτάτους εἰς τὸν οὐδὸν ὄντα διηνεκοῦς λίθου καθιεμένους , ὤφθη κατὰ νυκτὸς ὥραν ἕκτην αὐτομάτως ἠνοιγμένη .
6.294δραμόντες δὲ οἱ τοῦ ἱεροῦ φύλακες ἤγγειλαν τῷ στρατηγῷ , κἀκεῖνος ἀναβὰς μόλις αὐτὴν ἴσχυσεν κλεῖσαι .
6.295πάλιν τοῦτο τοῖς μὲν
-- -- μετὰ δὲ τὴν ἑορτὴν οὐ πολλαῖς ἡμέραις ὕστερον , μιᾷ καὶ εἰκάδι Ἀρτεμισίου μηνός , φάσμα τι δαιμόνιον ὤφθη μεῖζον πίστεως ·
6.297τερατεία δὲ ἂν ἔδοξεν οἶμαι τὸ ῥηθησόμενον , εἰ μὴ καὶ παρὰ τοῖς θεασαμένοις ἱστόρητο καὶ τὰ ἐπακολουθήσαντα πάθη τῶν σημείων ἦν ἄξια ·
6.298πρὸ γὰρ ἡλίου δύσεως ὤφθη μετέωρα περὶ πᾶσαν τὴν χώραν ἅρματα καὶ φάλαγγες ἔνοπλοι διᾴττουσαι τῶν νεφῶν καὶ κυκλούμεναι τὰς πόλεις .
6.299κατὰ δὲ τὴν ἑορτήν , ἣ πεντηκοστὴ καλεῖται , νύκτωρ οἱ ἱερεῖς παρελθόντες εἰς τὸ ἔνδον ἱερόν , ὥσπερ αὐτοῖς ἔθος πρὸς τὰς λειτουργίας , πρῶτον μὲν κινήσεως ἔφασαν ἀντιλαβέσθαι καὶ κτύπου , μετὰ δὲ ταῦτα φωνῆς ἀθρόας “μεταβαίνομεν ἐντεῦθεν .” τὸ δὲ τούτων φοβερώτερον ,
Flavius Josephus, Jewish War (XML Header) [genre: prose] [word count] [lemma count] [Joseph. BJ]. | ||
<<Joseph. BJ 6.289 | Joseph. BJ 6.296 (English) | >>Joseph. BJ 6.302 |